Blendi Fevziu ka qenë një ndër emrat më të diskutuar në të gjitha mediat. Për një kohë të gjatë u përfol se ai do të kalonte në ‘Top Channel’, duke u larguar nga televizioni që ka punuar për plot 20 vite. Megjithatë përpara pak ditësh, ‘Klan’ me anë të një deklarate tha se Blendi Fevziu do të qëndrojë edhe për të paktën 5 vite në këtë televizion.
Gjithsesi vetë Blendi deri më sot nuk ka treguar se përse bëri këtë zgjedhje. I ftuar në emisionin ‘360 gradë’ të Artur Zhejit, Blendi foli hapur për qëndrimin në ‘Klan’. “Kam thënë çdo sekondë që kam qenë mes një tundimi për një projekt shumë interesant që në ‘Top Channel’ ka nisur të zbatojë Ben Blushi një miku im i vjetër dhe një gazetar shumë i mirë dhe tërheqjes emocionale të një televizioni ku kam qenë 20 vite pa pasur kurrë shqetësime nga ato që shumë prej kolegëve kanë në ekrane të ndryshme.”, – tha moderatori i ‘Opinion’.
Më tej ai shtoi: “Kjo nuk është një zgjedhje racionale. Zgjedhjet racionale priten kollaj, bën llogaritë, ka qenë një zgjidhje emocionale. Zgjidhjet emocionale janë më të vështira dhe zgjidhja ka qenë po emcionale dhe në këtë rast. Kam vendosur të vazhdoj në një vend, ku ti prap gjithsesi me gjithë problematikën je i mësuar, ke krijuar një lloj stabiliteti”. /revistawho.com
