Mbrëmjen e kaluar, gazetari Blendi Fevziu ka ndarë në emisionin e tij, një histori që nuk e kishte përmendur asnjëherë publikisht. Ai tregoi se si kishte hequr dorë nga karriera si pedagog 15 vite më parë. Fevziu ishte thirrur në gazetari që të jepte një leksion, por kur mbërriti u zhgënjye nga numri i pakët i studentëve që ishin prezent shkruan newsbomb.al. Blendi tregoi se dita e parë e punës si pedagog ishte dhe e fundit, pasi sipas tij nuk mund të humbiste kohë me studentët që nuk ishin të interesuar të mësonin. “Se s’dua ta përmend, se nuk e kam thënë kurrë. Para 15 vitesh, më thirrën tek gazetaria për të dhënë një lëndë. E mora me qejf dhe thash po jap një semestër. Kur shkova, nga 40 e sa studentë që kishte grupi gjeta vetëm 6 veta në klasë. Mora rregjistrin, i thash faleminderit atij që më thiri, unë s’vij më as në sezon e asgjë. Tani të humb unë të gjithë pasditen, të përgatitem për të dhënë një leksion dhe të gjej 6 veta në sallë? E lashë po të them që atë ditë”, tregon Blendi. Gazetari së fundmi është kthyer përsëri në transmetimin e emisionit “Opinion”, pas një kohe të shkurtër pushimesh me familjen.
