Gjatë lëvizjes studentore të dhjetorit në vitin 1990, Blendi Fevziu ka qenë një nga pjesëmarrësit më aktivë. Tre ditët e fundit duket sikur ajo periudhë është rikthyer sërish, pasi studentët nga gjithë Shqipëria janë ngritur në protestë për disa kërkesa. Shumë personazhe të njohur e kanë mbështetur këtë protestë në rrjete sociale, por Blendi Fevziu ka qenë ndër të vetmit që është bashkuar me studentët përpara Ministrisë së Arsimit. Ai ka publikuar në ‘Instagram’ një video, në të cilën shihet duke dëgjuar shqetësimet e studentëve, që tregojnë sa shumë duhet të paguajnë gjatë një viti.
https://www.instagram.com/p/BrDVdKqAd3C/
Kjo duhet të jetë një mënyrë e mirë që Blendi t’u jap këshilla, si një nga studentët kryesorë në lëvizjen e dhjetorit. Sot studentët kërkojnë që Ministria e Arsimit dhe institucionet përgjegjëse të marrin masa për përgjysmimin e tarifave, përmirësimin e kushteve në konvikte dhe rritjen e buxhetit të shtetit për arsimin e lartë. /revistawho.com
