Blendi Fevziu ka folur shpeshherë për publikun lidhur me raportin me dy vajzat e tij, Mishel dhe Alis. Me Mishel, vajzën e madhe, pengu i tij më i madh ka qenë koha, të cilën nuk e ka pasur aq shumë të favorshme sa e ka me Alis, vajzën e vogël.
Ditën e sotme i ftuar në emisionin e Rudina Magjistarit, për të rrëfyer më shumë për pasionin e tij të njohur, udhëtimet, Blendi u ndal pak për të treguar më tepër lidhur me raportin me të bijat. Ai tregoi se gjithmonë përpiqet që të jetë një baba i kujdesshëm dhe llogaritar njëkohësisht, duke mos harruar ta pyesë gjithmonë se ku ishte.
“Nuk besoj se jam baba shembullor për shkak të punës dhe impenjimeve të shumta. Di vetëm të them një gjë se në raport me vajzën e madhe, me vajzën e vogël kam pasur më shumë kohë dhe i kam kushtuar më shumë vëmendje. Në një farë moshe e kupton se kur je më i ri raportin me fëmijët e ke më të shpejtë, ndërsa kur kalon një kohë dhe fëmija është në moshë tjetër e kupton se duhet të jesh më i vëmendshëm. Tani vajzat i kam shoqe”. /revistawho.com
