Sonte Tirana u zbardh nga një dëborë e cila ra, qëndroi e i dha mundësinë të gjithëve ta shijojnë. Edhe në vitet e shkuara qielli i kryeqytetit është zbardhur, por jo toka. Ndonëse ka pasur reshje dëbore, ato si e sotmja kanë munguar. Më saktë kanë munguar për 32 vite me radhë, ditë më ditë. Zbulimin e kësaj rastësie të papritur e ka bërë gazetari Blendi Fevziu. Ai shkruan në Facebook se dëbora e fundit “prej vërteti” në Tiranë, është shënuar pikërisht në 11 janarin e 32 viteve më parë. “Dëbora e fundit e vërtetë dhe që mbajti në Tirane, ka rënë në 11 Janar 1985. Bie prap sot fiks me 11 Janar, 32 vjet më pas”, ka shkruar drejtuesi i “Opinion”./ revistawho.com
