Dy ditë më parë, shumë personazhe të njohur të shoëbiz-it u bënë bashkë për të parë premierën e filmit më të ri shqiptar “Falco”. Ky film nga Bes Kallaku ka në qendër realitetin shqiptar të ditëve të sotme, por të sjellë në mënyrë komike. Pjesë e kastit ka qenë edhe këngëtarja Bleona Qereti, e cila është pëlqyer shumë në këtë rol të ri. Bleona ka zgjedhur së fundmi të shkruajë dy fjalë publikisht, ku ndër të tjera falenderon edhe Besin që e bëri pjesë të këtij filmi. “E lumturuar pafundësisht që kinematografia shqiptare është rigjallëruar. Faleminderit Bes Kallaku që më dhe oportunitetin të jem në këtë project që unë e kam bërë me shumë dashuri. Shpresoj që brezi i ri do të rritet me të njëjtën dashuri dhe mirënjohje që kemi pasur ne kur kemi qenë fëmijë për aktorët dhe filmat shqiptarë. Falenderoj të gjithë kolegët për profesionalizmin dhe dashurinë gjatë xhirimeve të këtij filmi”, shkruan Bleona në “Instagram”. Kujtojmë se ky nuk është filmi i parë që Bleona është pjesë e kastit, pasi ajo ka aktruar edhe në disa filma amerikanë.
https://www.instagram.com/p/B5I6PnuJSLJ/?igshid=15rfontsvqs9e
