Bleona Qereti dhe kryeministri i Kosovës, Ramush Haradinaj janë të ftuarit specialë të mbrëmjes së sotme në ‘Në Kurthin e Piter Pan’. Edhe pse kanë qenë duke përgatitur pyetjet e tyre, nuk ka munguar dhe ‘festa’ e gazetarëve të vegjël. Në postimet e faqes zyrtare të emisionit, vogëlushët shfaqen rreth kryeministrit, duke kërcyer dhe duke kënduar këngën ‘Xhamajdani Vija Vija’, ndërsa pranë tyre ndodhej dhe bashkëshortja e tij, Anita Haradinaj, e cila dukej po aq e emocionuar sa dhe fëmijët. Megjithatë, duket se mes tre të ftuarve ka një ‘lidhje’ që askush nuk e dinte më parë. Anita ka zbuluar se shoqëria e saj dhe Bleonës fillon që nga bankat e shkollës. “Kur takon shoqen e shkollës”, ka shkruar ajo në një foto së bashku me Bleonën, ndërsa këngëtarja ia ka kthyer duke shkruar: “Dashuria e parë nuk harrohet”. Kujtojmë që Anita është nga Opoja e Prizrenit, por për vite me rradhë ka jetuar në Tiranë, ku ka kryer studimet dhe ka pasur fillimet e karrierës në gazetari./revistawho.com
