Bleona Qereti, artistja shqiptare me famë ndërkombëtare ka rrëfyer sot në një intervistë për suplementin e përjavshëm “Bluetooth”, arsyen pse publikoi një foto me ish-bashkëshortin Gani Bardha, duke mohuar aludimet për një rikthim mes të dyve. “Përse nuk kam të drejtë unë të nxjerr memoriet e jetës sime, në ‘instagram’-in tim? Nuk e kuptoj pse njerëzit patjetër duhet të gjenjnë një kuptim të dytë në foto, përveç asaj që foto transmeton… Një dashuri pa kushte. Marrëdhënia jonë tashmë është e një lloji tjetër, jo më burrë e grua. Sigurisht, ai është një nga njerëzit që i besoj, përveç mamit, babit e vëllait… Po nuk flitet për rikthime”, – ka sqaruar Bleona, e cila aktualisht po punon për singëllin dhe videon e dytë në Amerikë. Ajo ka folur gjithashtu edhe për telefonatën me mjekun që i propozoi martesë, duke thënë se gjithçka e bëri që Dalipi të mos lëndohej. “Unë nuk kam dëshirë të lëndoj asnjë njeri në jetën time, me apo pa dashje… Duke qenë që zemra ime ndër vite ka qenë më shumë e thyer në miliona copa dhe në shumë pak raste numëroj ditë të lumtura në jetën private, nuk kam dëshirë që të njëjtën dhimbje që kam pasur unë në jetën private ta provojë dikush tjetër dhe arsyeja e kësaj dhimbjeje të jem pikërisht unë… Unë e kam telefonuar Dalipin personalisht në daten 1 janar për t’i uruar Vitin e Ri – mendoj që nuk ka pasur dhuratë më të bukur se kjo dhe e kam bërë sadopak të lumtur me aq mundësi sa kam sigurusht, dhe për t’i thënë që në asnjë mënyrë nuk dua ta lendoj, por ai duhet të vazhdojë jetën e tij dhe të jetë i lumtur me familjen që ka pasi thjesht në zemrën time nuk ka vend për asnjë njeri për momentin. Dhe ishte më mirë ta degjonte nga goja ime se sa të merrej me manipulimin e mediave dhe të njerëzve të tjerë në mediat social. Besoj këtu historia e Dalipit duhet të mbyllet”, – ka saktësuar këngëtarja.
Dev by Techzero1.com