Nëpërmjet rrjeteve të tij sociale, Blerim Destani nuk ngurron të na njohë me projektet e tij që kanë lidhje me karrierën si aktor. Të tilla postime janë të shpeshta, ndërsa ato që lidhen me jetën e tij private janë më të rralla. Megjithatë herë pas here Blerimi ka ndarë me ndjekësit e tij edhe fotografi me familjarët. Kohë më parë ai i prezantoi të gjithë me prindërit e tij, duke treguar se dashuria për familjen është e pakufishme. Ndërsa ditën e sotme ai ka bërë një dedikim shumë të veçantë për babain e tij. I ati i aktorit feston ditëlindjen dhe në fotografinë që Blerimi ka publikuar të dy shihen të buzëqeshur krah njëri-tjetrit. “Babai dhe miku im më i mirë. Gëzuar baba edhe 100, shëndet dhe lumturi”, – ka shkruar Blerimi bashkangjitur fotos. Babai i Blerim Destanit është një figurë e njohur për publikun, sepse ai është një ndër biznesmenët më të fuqishëm në trevat shqiptare. /revistawho.com
