Dietologia e njohur, Blerina Bombaj, shpeshherë në rrjete sociale na ka treguar se ka një marrëdhënie shumë të ngushtë me vajzën e saj. Anastasia është qendra e botës për mami Blerinën, ndaj ajo tregon një kujdes shumë të madh për bijën e saj. Por edhe Anastasia di se si t’i shpërblejë prindërit.
Blerina ka postuar ditën e sotme një fotografi, në të cilën shihet një listë notash e vajzës. Vihet re se Anastasia është një nxënëse shembullore, sepse në të gjitha lëndët ajo është vlerësuar me notën 5, që me sistemin e vjetër shkollor do të thotë 10. Kjo gjë mesa duket e ka emocionuar pafund Blerinën, sepse fotografinë e ka shoqëruar me mbishkrimin: “Kur nuk e përmban dot krenarinë”. Dhe në fakt ne i japim shumë të drejtë, sepse nuk ka lumturi më të madhe për një prind se sa kur sheh se mundi dhe sakrifica ja kanë vlejtur! /revistawho.com
