Blerina Bombaj nuk ngurron që në rrjete sociale, përveçse të tregojë pak nga përditshmëria e saj në punë, por edhe të tregojë një pjesë nga jeta private. Shpeshherë ajo ndan me ndjekësit në ‘Instagram’ momente familjare kryesisht me vajzën e saj. Por ditën e sotme dietologia zgjodhi të rrëfente një pjesë nga jeta e babait të saj. Ajo ka postuar një fotografi, në të cilën shihet pranë tij dhe duke pushuar në natyrë.
“Ky është Vasil Bombaj, babai im, studenti i parë shqiptar që shkoi për studime të larta në Sorbone të Parisit dhe që mbaroi shkëlqyeshëm. Pas kthimit, u persekutua nga regjimi për shkak të sjelljes së një biblioteke prej 1.000 librash të literaturës frënge dhe një gramafoni. Pas një jete të vështirë dhe me shumë luftëra, ai ka gjetur qetësinë e tij përkrah meje, duke u marrë me tokën krahas pasionit të tij të përjetshëm – librave! Të kesh prindër të tillë, punëtor e të ndershëm, të kulturuar e të përkushtuar, është ndër dhuratat më të bukura që Zoti i fal njeriut në këtë jetë! (Na falni për veshjen por jemi duke korrur barin nën ullinj)”, – ka shkruar Blerina. Me siguri kjo lidhje kaq e ngushtë babë e bijë është krijuar jo vetëm prej kësaj historie, por edhe prej pasionit të njëjtë që ndajnë për natyrën. /revistawho.com
