Blero dhe Afrona Dika kanë treguar herë pas here se dashuria për njëri-tjetrin është shumë e madhe, por si në çdo marrëdhënie edhe ata kanë probleme. Në fakt lidhja e tyre herë pas here ka kaluar në kriza të ndryshme dhe duket se ata janë ndarë sërish nga njëri-tjetri.
Afrona ka publikuar pak kohë më parë një fotografi në ‘InstaStory’ në të cilën thoshte se nuk kishte nevojë për asnjë përveç vetes së saj. Kjo ngriti menjëherë dyshimet për një ndarje mes saj dhe këngëtarit të njohur. Si për t’i shtuar më shumë këto dyshime, ata të dy nuk e ndjekin më njëri-tjetrin në ‘Instagram’.
Për më tepër Afrona ka fshirë çdo fotografi me Bleron, ndërsa vetë ai vazhdon t’i ketë fotot me Afronën. Blero dhe partnerja e tij kanë rreth dy vite të fejuar, prandaj është e pakuptueshme kjo ndarje mes tyre në këto momente. /revistawho.com
