Pas disa muajsh lidhje dashurie, kantautori Blerim Muharremi dhe e dashura e tij modele Afrona Dika kanë vendosur të martohen. Teksa çdo hap i romancës së tyre është komentuar gjatë në media, me dasmën ka ndodhur ndryshe. Çifti është treguar tejet i kujdesshëm që kjo ngjarje e rëndësishme për jetën e tyre të mos merret vesh. Ata janë martuar në fshehtësi. Blero ka qenë i pari që e ka ndarë këtë gëzim me fansat, vetëm të nesërmen, kur gjithçka kishte përfunduar. Ai ka shpërndarë dy foto tek të cilat shfaqen detaje të ceremonisë. Tek poza e parë duket vetë dhëndri dhe unaza e martesës në dorën e nuses. Ndërsa në pozën e dytë, Afrona shfaqet me fustanin e bardhë. Divorci me aktoren Teuta Krasniqi, tashmë duket histori e vjetër. Por nga ana tjetër edhe Teuta po jeton prej kohësh romancën e saj me trajnerin e fitnesit Adonis Morina. E reja më e fundit nga çifti tjetër, është tatuazhi që Adonisi i dedikoi të dashurës, duke vizatuar në trup sytë e saj. Blero dhe Teuta janë prindër të një vajze.
