Këtë vit Blero dhe partnerja e tij, Afrona do të kurorëzojnë me martesë dashurinë e tyre. Ata të dy kanë vendosur që dasmën ta organizojnë në shtator, pranë një vendi bregdetar. Duke qenë se na ndajnë akoma dhe disa muaj nga dita kur ata do t’i thonë “PO” përgjithmonë njëri-tjetrit, Blero po e pret me padurim atë moment. Ditën e sotme ai ka publikuar në ‘Instagram’ një fotografi të Afronës nga pushimet në Indonezi. Bashkangjitur fotos së partneres së tij, Blero ka shkruar: “Mëngjesi im i përditshëm së shpejti”.
Që prej fillimit Blero dhe Afrona e kanë mbajtur lidhjen e tyre në distancë, duke qenë se modelja jeton në Zvicër, ndërsa këngëtari në Prishtinë. Kjo gjë ka ndikuar shumë në marrëdhënien e tyre si çift, por tashmë ata janë më të lumtur se kurrë që më në fund do të kenë mundësinë të jetojnë pranë njëri-tjetrit. /revistawho.com
