“Lugati”, Sex Toy”, “E du një virgjëreshë”, “0815” janë vetëm disa nga këngët e tij që i kanë rezervuar një vend në skenën muzikore shqiptare. Gjon Karrica, këngëtari që është bërë i famshëm edhe falë natyrës së tij ekspresive dhe gatishmërisë për të bërë gjëra kontroverse, vjen me të reja.
Ai ka lançuar së fundmi videoklipin e këngës “Bombardime”, një këngë kjo me tekst të shkruar nga vetë ai dhe me muzikë dhe orkestrim nga Anton Nue në Zvicër. Kënga është e stilit pop, ndërkaq videoklipi është tipik përfaqësues i stilit të Karricës.
