E ftuara e radhës në emisionin ‘Rudina’ ishte moderatorja e njohur Bora Zemani. Bora ka folur për punën në ‘Kënga Magjike’ dhe jetën e saj private si nënë e një vogëlushi 4-vjeçar. Ajo ka treguar se për shkak të angazhimeve të saj, kohët e fundit nuk ka mundur t’i përkushtohet plotësisht djalit. Duke qenë se Bora është bërë nënë në një moshë shumë të re, ajo ka rrëfyer se është rritur bashkë me Arborin.
“Arbori në dhjetor bën 4 vjeç. Nuk e di nëse jam një nënë tipike , mendoj se jemi duke u rritur bashkë sepse jam bërë mami shumë e vogël. Jam mami Arborit, por mendoj se do jem edhe një shoqe e mirë gjithë jetën. Unë e kam shijuar prindërimin, jam marrë shumë me Arborin sidomos vitin e parë kam qenë e fiksuar. Nuk më duket e vështirë të qenit nënë, më duket e bukur. Mua më ka ndryshuar shumë Arbori”, – ka treguar moderatorja simpatike. Ndërsa përsa i përket Vin Velit, ajo ka thënë se pavarësisht se ata të dy nuk janë më bashkë, djalit të tyre nuk do t’i mungojë kurrë dashuria. /revistawho.com
