Moderatorja Bora Zemani ka zgjedhur të flasë më hapur se kurrë për një nga periudhat më të ndjeshme të jetës së saj personale. E ftuar në podcast-in e Grida Dumës, ajo prek për herë të parë publikisht temën e faljes në çift, në një rrëfim që lidhet drejtpërdrejt me rikthimin e saj me Donald Veshajn.
Në promon e publikuar, Grida Duma i drejton një pyetje të drejtpërdrejtë: “Në çfarë niveli fal ti?”. Përgjigjja e Borës nuk është emocionale, por e menduar dhe e peshuar, duke treguar një qasje të ndërgjegjshme ndaj gabimeve dhe marrëdhënieve.
“Natyrisht nuk fal me naivitet, nuk fal se po gënjehem. Fal me koshience të plotë, e di ku është gabuar, por unë do e fal, do e tejkaloj këtë gjënë,” shprehet ajo.
Bora sqaron se falja, për të, nuk është heqje dorë nga parimet apo tolerim i shkeljes së kufijve personalë, por një përpjekje për të kuptuar nëse një lidhje ka ende vlerë për t’u shpëtuar.
“Nuk e bëj duke zgjeruar kufijtë, jo, kufijtë ngelen të njëjtat… Nëse ka mundësi të shkatërrohet një marrëdhënie dhe të prishet, a kishte ndonjë mundësi për t’u shpëtuar kjo marrëdhënie?”, shtoi ajo.
Gjatë intervistës, Bora foli gjithashtu për dëshirën e madhe për të pasur një fëmijë me Donaldin, gjë të cilën sipas saj, ata e presin kurdo që të vij dhe nuk ka asnjë rëndësi gjinia.
