Pas largimit të saj nga “Digitalb”, të gjithë ishin kuriozë të dinin nëse Bora Zemani do të niste një tjetër emision të ri. Pak kohë më parë moderatorja simpatike tregoi për të gjithë ndjekësit e saj në ‘Instagram’ se shumë shpejt do të rikthehej me një program të ri mjaft të veçantë, por pa zbuluar asnjë detaj. Së fundmi është zbuluar se Bora do të shfaqet shumë shpejt me një emision të ri përkrah vëllezërve binjakë, Donald dhe Romeo Veshaj, që u bënë shumë të njohur nga spektakli i humorit “Al Pazar”. Këtë herë Zemani do të shfaqet në një tjetër platformë televizive, në “Tring” dhe emisioni nuk do të ketë shumë lidhje me sportin, aty ku Bora ka pasur më shumë eksperiencë.
Në faqen zyrtare të “Tring” në “Instagram’ është publikuar një spot i shkurtër i programit, i cili duket se do të jetë i përqëndruar tek emisionet shqiptare, skeçet dhe intervistat.
https://www.instagram.com/p/BykudjzhU4a/
Emisioni “Treshat” do të transmetohet së shpejti çdo të premte, jo vetëm në “Tring”, por edhe në “Vizion Plus”. Kujtojmë se më herët Zemani ka drejtuar emisionin “Bar Skedina” dhe u shfaq në edicionin e fundit të “Kënga Magjike” përkrah Ardit Gjebreas. /revistawho.com
