Për herë të fundit e pamë të shfaqet përkrah Ardit Gjebreas nën moderimin e spektaklit ‘Kënga Magjike’. Bëhet fjalë për moderatoren simpatike, Bora Zemani, e cila duket se shumë shpejt do të rikthehet edhe njëherë në rolin e saj si moderatore e një emisioni.
Në kopertinën e revistës ‘Class’, Bora ka folur gjatë për karrierën e saj, planet për të ardhmen dhe jetën private. Ajo ka zbuluar se do të vazhdojë të jetë pjesë e familjes së televizionit ‘Klan’ dhe se shumë shpejt do të vijë me një emision të ri, mjaft argëtues, por pa dhënë më tepër detaje.
Duke qenë se Borën e kemi parë edhe si këngëtare ajo ka treguar se do të bëjë diçka edhe për këtë gjë dhe po mendon të realizojë një projekt me kantautorin e njohur, Bojken Lako. Gjatë intervistës, moderatorja nuk u ka shpëtuar as pyetje për jetën private, duke qenë se kohët e fundit kanë qarkulluar thashetheme të ndryshme. Bora ka deklaruar se pas ndarjes nga DJ Vin Veli nuk ka asgjë të re, sepse vazhdon të jetë vetëm. Kujtojmë se Bora është edhe nënë e një djali 4-vjeçar të quajtur, Arbor. /revistawho.com
