Boriello: Ja si e kam njohur unë Belen Rodriguez, vajzën me valixhe të kuqe…

Ai e pranon, ajo është dashuria e tij e parë për të cilën të gjithë thonë se nuk harrohet kurrë. Futbollisti simpatik italian Marco Boriello ka kujtuar vitet e dashurisë më show girl-in seksi argjentinase Belen Rodriguez. Çifti u dashurua në vitin 2005 dhe lidhja e tyre zgjati plot tre vite, atëherë kur ai bënte gola për Milanin ndërsa ajo po hidhte hapat e parë në botën e spektaklit. “Asokohe ajo ishte një modele me një valixhe të kuqe. Më pas u bë Belen Rodriguez, show girl-i më i madh në 20 vitet e fundit. E kush mund ta parashikonte atëherë këtë”, ka thënë ai për “Corriere Della Sera”.