Teksa po luftonte me Covid-19, Boris Johnson ka treguar se mjekët u përgatitën për vdekjen e tij. Në një intervistë me The Sun, të dielën, Kryeministri tha se mjekët i vendosën litra të tëra oksigjeni për ta mbajtur në jetë. 55-vjeçari tregoi se iu deshën litra të tërë me oksigjen dhë se gjendja e tij ishte tepër e rënduar.
“Nuk doja të shtrohesha në spital, e dija që nuk ka kurë. Por mjekët këmbëngulën dhe patën të drejtë. Ata më futën një tub ku mund të merrja oksigjenin e nevojshëm. Ishte një moment i vështirë. Edhe mjekët them se po mendonin të përgatiteshin për vdekjen time, me një skenar ‘si të vdekjes së Stalinit’. Unë nuk isha fare në formë por i vetëdijshëm se situata ishte emergjente. Mjekët po mendonin lloj lloj planesh nëse gjërat do shkonin keq”, u shpreh ai.
Megjithatë tashmë çdo gjë ka kaluar dhe ai po shijon djalin e tij të porsalindur, i cili erdhi në jetë vetëm pak ditë më parë.
