Këngëtarja shqiptare me famë botërore nuk po ndalet me surprizat. Pas dominimit në muzikë dhe stil, Dua Lipa tani vjen me një projekt që pritej prej kohësh: linja e saj e kujdesit për lëkurën, “DUA”. Dhe jo, nuk është thjesht një tjetër emër në treg – pas formulave qëndron shkenca e Dr. Augustinus Bader, një ikonë në botën e skincare.
Dua ka bashkëpunuar me ekipin e Augustinus Bader për më shumë se tre vite për të krijuar atë që ajo quan “produktet thelbësore të përditshme” – një rutinë që përputhet me ritmin intensiv të jetës së saj, nga turnet te ditët e qeta në shtëpi.
Koleksioni përfshin DUA Balancing Cream Cleanser, Supercharged Glow Complex dhe Renewal Cream, të krijuara me formulën inovative TFC5, një version më i ri i teknologjisë revolucionare TFC8.
Siç shpjegohet, TFC8 “lindi nga kremi i gradës mjekësore i Dr. Augustinus Bader për viktimat e djegieve”, i krijuar për të aktivizuar qelizat staminale dhe për të rigjeneruar lëkurën. Kjo teknologji e avancuar ndihmoi markën të prekte sukses miliardësh vetëm brenda katër vitesh.
Për DUA, kjo teknologji është përshtatur për një grupmoshë më të re — 18 deri në 35 vjeç — duke krijuar TFC5, i cili është i kombinuar me peptide biomimetike, proteina hidratuese dhe antioksidantë për të luftuar shenjat e plakjes, yndyrën, njollat, pigmentimin dhe gjithçka tjetër që shqetëson lëkurën në këtë periudhë të jetës.
Përkthimi? Rini, shkëlqim, rigjenerim dhe një prekje e logjikës shkencore që shkon përtej “beauty hype”.
Nëse mendonit se Dua Lipa pëlqen vetëm skenën dhe modën – mendohuni sërish. Ajo sapo u fut seriozisht në botën e bukurisë dhe, me gjasë, do ta tronditë edhe këtë industri.
💫 Duket se çdo gjë që prek, kthehet në sukses. Dhe tani, është radha e skincare-it.
Më poshtë disa nga produktet që fansat mezi po presin të provojnë:
- DUA Balancing Cream Cleanser
- Supercharged Glow Complex
- Renewal Cream
A do bëhet kjo rutina e re e bukurisë për Gen Z & më tej? Koha do ta tregojë… por duket sikur Dua e ka recetën e suksesit në dorë — sërish.
