Ditën e djeshme ka humbur jetën reperi 20-vjeçar XXXTentacion, pasi u qëllua me armë zjarri sapo doli nga një dyqan ku po shihte për të blerë një motorr.
Sipas mediave të huaja mësohet se reperit i është marrë nga makina një çantë “Louis Vuitton”. Vdekja e tij ka tronditur botën e muzikës, ndërkohë që shumë personazhe të njohur kanë shprehur keqardhjen për ndarjen nga jeta të 20-vjeçarit. Njëri prej tyre ka qenë edhe Kanye West.
“U prehsh në paqe. Nuk të thashë kurrë sesa shumë më frymëzove kur ishe këtu, faleminderit që ekzistove”- ka shkruar West në llogarinë e tij personale në “Twitter”.
Ndërkohë duket se reperi ka pasur llogari të hapura me ligjin. Sipas “TMZ” ai ishte në proces gjyqësor për akuzën e dhunës në familje ndaj të dashurës së tij shtatzënë./revistawho.com
