Zonja e parë e SHBAsë ka paditur gazetën britanike “Daily Mail” pas një artikulli të botuar pak ditë më parë, ku shkruhej se Melania Trump kishte punuar si eskortë në vitet e para të karrierës së saj si modele.
Shkrimi i “Daily Mail” bazohej në një artikull të botuar në një revistë Sllovene, në të cilën shkruhej se në vitin 1990, Melania punonte në një agjenci mode në New Yorkru, e cila shërbente gjithashtu edhe për shërbime seksuale për të pasurit. Por bashkëshortja e Presidentit i ka mohuar këto akuza duke shtuar se “Daily Mail’ i ka prishur imazhin dhe i ka ulur reputacionin që do të kishte ne statusin e ri që sapo ka marrë. Edhe pse gazeta britanike e hoqi shkrimin duke kërkuar edhe ndjesë dhe duke theksuar se ky shkrim i referohej revistës sllovene, Melania nuk e ka tërhequr akuzën. Ajo ka kërkuar një dëmshpërblim prej 150 milion dollarësh.
