Brad Pitt, 60 vjeç dhe e dashura e tij, 34-vjeçare Ines de Ramon e kanë çuar lidhjen e tyre në një stad tjetër. Ata bënë debutimin e tyre të parë si çift në tapetin e kuq të Festivalit të Filmit në Venecia.
Brad dhe Ines iu bashkuan George dhe Amal Clooney. Ata ndoqën premierën e “Wolf” ku Brad dhe George janë protagonistë. Të katërt dukeshin mjaft të lumtur e të qeshur ndërsa pozonin për kamerat.
Brad dhe Ines u lidhën në nëntor 2022 pasi u fotografuan në një koncert të Bono. Kjo është lidhja e parë serioze për Pitt pas ndarjes nga Angelina Jolie. Edhe kjo e fundit ishte e pranishme në Festivalin e Venecias.
