Brad Pitt dhe Angelina Jolie zyrtarisht beqarë, tani marrëdhënia mes tyre është shumë më e mirë

Sipas dokumenteve të gjykatës, të premten që lamë pas Angelina Jolie dhe Brad Pitt morën zyrtarisht statusin si beqarë. Tre vite më parë Angelina firmosi letrat e divorcit, por vetëm tani ata mund të quhen ‘single’. Së fundmi burime për ‘Entertainment Tonight’ kanë treguar se tani marrëdhënia mes të dyve është shumë më e mirë. “Marrëdhënia e tyre është më mirë se asnjëherë ,që nga koha e ndarjes. Brad dhe Angelina kanë pasur një rrugëtim të gjatë. Të ecurit para mori shumë kohë, sepse patën shumë vështirësi me ndjenjat”, ka thënë burimet. Më tej kanë treguar se gjërat mes tyre janë shumë mirë, sidomos kur vjen puna tek prindërimi. “Komunikimi mes tyre është përmirësuar dhe janë të dy të dedikuar ndaj prindërimit të përbashkët. Fëmijët e tyre kanë një orar përkujdesje dhe kjo ka sjellë diferencë të madhe për gjithë familjen”, shkruan “Entertainment Tonight”. Angelina dhe Brad kanë 6 fëmijë dhe kemi parë se ata kalojnë kohë me të dy prindërit. /revistawho.com