Disa foto nga premiera e filmit më të ri të Quantin Tarantino, ‘Once Upon a Time in Hollywood’ janë publikuar së fundmi në internet, ku shfaqet kasti i aktorëve, mes tyre dhe Brad Pitt me Leonardo DiCaprio-n. Mirëpo, ajo çfarë ka tërhequr vëmendjen e të gjithëve ka qenë një puthje ‘e çuditshme’ midis aktores Lena Dunham dhe Brad Pitt. Kolegët shfaqen shumë pranë njëri-tjetrit dhe fotografia ka kapur momentin kur aktorja afrohet për t’i dhënë Brad-it një puthje midis faqes dhe buzëve. Sipas ‘Cosmopolitan’ ky moment mund të jetë një keqkuptim, ose thjeshtë Lena është afruar për t’i përshpëritur atij diçka. Kjo mbetet diçka që vetëm dyshja e aktorëve e di, megjithatë fansat e tyre në ‘Twitter’ kanë filluar të kthejnë çdo gjë në ‘meme’ duke bërë disa reagime epike. Kjo nuk është hera e parë që Lena dhe Brad komentohen për momente të tilla ‘të sikletshme’, megjithatë ata nuk kanë asgjë më shumë se sa një marrëdhënie të mirë midis kolegëve./revistawho.com
