Romanca e Brad Pitt dhe Ines de Ramon duket se po forcohet dhe çifti është parë së fundmi duke festuar ditëlindjen e 59 të aktorit. Zogjtë e dashuruar dukej se po ia kalonin mirë në shoqërinë e njëri-tjetrit pasi nuk e përmbanin dot të qeshurën pasi kaluan një mbrëmje romantike së bashku. Fotografët kapën aktorin dhe stilisten 32-vjeçare duke u larguar me dhurata dhe duke biseduar teksa qëndronin pranë makinës së tij.
Një burim i afërt i çiftit zbuloi detaje rreth romancës së tyre për ET dhe dyshja mund të jetë duke i marrë gjërat seriozisht.
“Ata po kalojnë një kohë të mirë së bashku. Ines është goxha e ftohtë dhe private. Ajo ka qenë disi e pushtuar nga vëmendja që ka marrë nga fotografimi me Brad.”
Thashethemet e takimit midis Brad dhe Ines filluan të përhapeshin pasi ata u panë duke u argëtuar në një koncert më 13 nëntor.
