Brad Pitt ditët e fundit ndodhet në Venecia, në një udhëtim për të eksploruar kulturën italiane në këtë qytet. Aktori i njohur ka vizituar disa nga vendet më të bukura në Venecia, por siç duket udhëtimi e ka lodhur. Brad është fotografuar i shtrirë duke fjetur në një nga taksitë lundruese të qytetit. Ai ishte veshur me një palë xhinse, një bluzë të thjeshtë dhe kishte vendosur në kokë një kapele, e cila i mbulonte fytyrën.
Pavarësisht se kjo nuk është një nga fotot më të mira të aktorit, duket se ai nuk e ka problem këtë pjesë, sepse thjeshtësia është pjesë e karakterit të tij. Gjatë shëtitjeve nëpër Venecia, Brad u fotografua edhe në shoqërinë e një vajze, e cila duhet të jetë mikeshë e tij. Kujtojmë se aktori pas ndarjes nga Angelina Jolie është përfolur shpesh për lidhje të tjera, por asnjëra prej tyre nuk ka rezultuar e vërtetë. Ai ka treguar se tashmë fokusi i tij kryesor janë 6 fëmijët e tij dhe karriera artistike. /revistawho.com
