Aktori i njohur i kinematografisë ndërkombëtare, Brad Pitt, ka vendosur së fundmi që t’i zgjidhë ‘ashpër’, çështjet me ish-bashkëshorten e tij, Angelina Jole. Ky lajm është zbuluar nga ‘Mirror’, ku ndër të tjera kanë treguar se 55-vjeçari ka lëshuar një ultimatum për Jolie, tre vite pas paraqitjes për divorc.
Pitt ka marrë një qëndrim të prerë me Angelinën, pasi nuk dëshiron që divorci të zvarritet më gjatë. Skuadra ligjore e aktorit ka vendosur të ushtrojë presion ndaj Jolie, pasi ata besojnë se kjo e fundit po zvarritet me nënshkrimin e letrave të divorcit.
Të njëjtat burime kanë shtuar se pavarësisht se Brad është treguar tepër i duruar me ish-partneren e tij, tashmë nuk mund të presë më. Ai është i lodhur nga sjellja dhe reagimet e Jolie, pasi ajo është parë duke lëvizur dhe duke u “zhdukur” muaj pas muaji, për të shmangur divorcin e tyre dhe shkrimin e letrave gjyqësore./revistawho.com
