Brad Pitt i zhgënjyer me veprimet e Angelinas, mendon se ajo manipulon fëmijët

Marrja e kujdestarisë së fëmijëve, është kthyer në një “luftë” të vërtetë mes Angelina Jolie dhe Brad Pitt. Ky i fundit duket se nuk është aspak i kënaqur me mënyrën se si Angelina po i trajton fëmijët dhe si po e përdor çështjen që publiku të pozicionohet në anën e saj. “Brad vazhdon të jetë i zhgënjyer me veprimet e Angelinës me fëmijët e tyre për kujdestarinë”, – ka treguar një burim shumë i afërt i aktorit për ‘Hollywood Life’. Më tej ky burim ka thënë se Pitt mendon se ish-partnerja e tij i manipulon fëmijët dhe në publik do të shfaqet si një nënë e mrekullueshme për të fituar gjyqin. Ndërkohë që Angelina shfaqet shpesh në vende publike me fëmijët e saj, Brad dëshiron që në këtë moment të vështirë ta ruajë plotësisht privatësinë e tyre. Gjyqi për divorcin dhe kujdestarinë e fëmijëve ka rreth dy vite që vazhdon të ndiqet si çështje nga të dyja palët dhe ai i radhës do të mbahet në 4 dhjetor. /revistawho.com