Aktori më i bukur në botë, Brad Pitt, nuk po kalon një periudhë të qetë. Mediat e huaja shkruajnë se ylli i kinemasë është tejet i stresuar nga angazhimet e shumta në profesion dhe në familje. Përveçse punës, Brad i kushton dhe shumë kohë përkujdesjes për fëmijët duke ndihmuar kështu bashkëshorten e tij Angelina Jolie. Mirëpo e gjithë kjo ngarkesë i ka shkaktuar artistit një stres të madh. Për këtë arsye Brad i është kthyer zakonit të dikurshëm. Ai ka nisur të tymosë sërish marijuanë. Në deklarata të ndryshme aktori ka theksuar shpesh se nuk është përdorues i drogave, mirëpo marijuana bën përjashtim. Prej shumë vitesh Brad kish hequr dorë prej saj, pasi Angelina nuk e pëlqente. Mediat amerikane shkruajnë se tanimë aktori po tymos, madje ka krijuar një ambient të veçantë enkas për këtë në mënyrë që të jetë larg syve të fëmijëve.
Brad Pitt ka stres, i kthehet marijuanës
