Pasi i dhanë fund martesës dy vite më parë, çifti i njohur Angelina Jolie dhe Brad Pitt duket se nuk po gjejnë paqe. Ka qenë pikërisht Angelina e cila i është drejtuar gjykatës duke e akuzuar ish-bashkëshortin e saj se nuk ka përmbushur detyrimet financiare ndaj fëmijëve.
‘CNN’ ka publikuar dokumentin ku shfaqet edhe ankesa gjyqësore e aktores.
‘Pitt ka detyrimin ligjor të paguajë për të ndihmuar fëmijët dhe për t’i mbështetur ata. Aktualisht ai nuk ka dhënë asnjë mbështetje për fëmijët që kur jemi ndarë’-shkruhet në dokumentin ligjor. Avokatja e Jolie, Samantha Bley Dejean ka kërkuar që si rrjedhojë e mos shlyerjes së detyrimeve, gjykata të lëshojë një urdhër zyrtar që e detyron Brad të paguajë.
Nga ana tjetër burime të afërta të aktorit i kanë mohuar këto akuza dhe janë shprehur se ai i ka përmbushur detyrimet që ka ndaj fëmijëve të tij./revistawho.com
