Pasi u bë publik lajmi i ndarjes mes çiftit më simpatik të hollivudit, spekulimet rreth tyre kanë qenë nga më të ndryshmet. Një nga ato ka rrjedh nga deklarata e Jolie ku është shprehur se nuk është dakort me metodat edukative të Pitt. Por kjo deklaratë e saj ka çuar në spekulimet për një abuzim të mundshëm nga Pitt mbi fëmijët e tyre. Nisur nga kjo Pitt është hetuar në lidhje me këtë gjë.
Por sipas një burimi për revistën People, Pitt duket se po e merr shumë seriozisht këtë çështje dhe gjithmonë është shprehur se është i pafajshëm.
‘’Angelina dhe Brad diskutuan në avion dhe djali i tyre Maddox(15 vjeç) u fut në mes’’- ka treguar një burim tjetër për faqen Page Six.
‘’Brad ka qenë i pirë dhe ka pranuar se u ka bërtitur fëmijëve, por këmbëngul se nuk i ka goditur apo ka tentuar t’ju bëj keq’’-ka vijuar më tej burimi për Page Six.
Në artikull gjithashtu thuhet se kjo gjë mund të jetë thjesht një strategji për të njollosur emrin e aktorit, që Angelina të marrë kujdestarinë e fëmijëve.
