Brad Pitt zbulon të pathënat për famën dhe jetën e tij: Deri 25 vjeç nuk kam udhëtuar me aeroplan

Brad Pitt ka 30 vite që është pjesë e showbiz-it dhe gjithë kjo kohë ka qenë sa liberale, po aq edhe kufizuese për të. Në një intervistë për revistën “OK!” aktori i njohur ka treguar se si ka ndikuar fama në jetën e tij dhe sa i lirë ndjehet prej saj. “Është liberale për mundësitë që të ofron, por nga ana tjetër mund të jetë shumë kufizuese. Nuk kam parë një holl hoteli për 15 vite me radhë, sepse duhet të hyj dhe të dal nga e njëjta rrugë. Ka si momente të bukura, po ashtu edhe të këqija”, është shprehur Brad. Ai ka rrëfyer se karriera e tij ka nisur me hapa të vegjël dhe ka mësuar shumë ngadalë për industrinë e filmit, sepse vinte nga një vend ku kinematografia nuk ishte e zhvilluar. Gjithashtu Pitt ka zbuluar se ka shijuar çdo udhëtim që ka bërë për shkak të punës, sepse deri në 25 vjeç nuk kishte qenë asnjëherë në një aeroplan. Në 29 gusht pritet që Brad të bëhet pjesë e festivalit të filmit në Venecia, për shkak të premierës botërore të filmit “Ad Astra”, ku ai ka rolin e një astronauti. /revistawho.com