Një thikë si dhuratë për 7-vjetorin, në shkollë as detyrat, ulërima dhe vrap nëpër shtëpi në çdo orë të ditës dhe të natës. Kështu jetojnë fëmijët e Angelina Jolie dhe Brad Pitt, të paktën sipas rrëfimit të dadove. Ato kanë përshkruar për “Daily Mail” jetën e parregullt në shtëpinë e ish-çiftit në Hollywod. Kjo teksa FBI-ja po bledh informacione mbi incidentin e ndodhur që ka përfshirë Pitt në bordin e avionit privat javën e kaluar. Në shtëpinë e Jolie-Pitt punojnë një “ushtri” me dado. Për një periudhë kohe ato ishin 6, nga një për fëmijë. E para gjë që kanë treguar ato është se Maddox, Pax, Zahara, Shiloh, Knox e Vivienne, shkojnë rrallë në shkollë e nuk kanë pasur kurrë një frekuentim të rregullt. Një ish-dado ka thënë se dy djemtë më të mëdhenj, kanë një temperament të keq. Ndërsa vajza Shiloh që tani është 10 vjeçe, dëshironte të vishej si djalë që kur ishte 3 vjeçe e gjysëm, dhe e thërret veten John. Djali i madh Maddox kur ishte 9 vjeç ka pirë verë dhe i ka dhënë makinës brenda rezidencës së familjes. Ndërsa në moshën 7-vjeçare mori si dhuratë thikën e parë të xhepit nga Jolie: “Nëna ime ma bleu një të tillë ku isha 11- 12 vjeçe, ndaj dhe unë mora një për Maddox”, pat shpjeguar aktorja. Midis dy aktorëve më i rrepti ka qenë Brad, por njëra nga dadot ka treguar së në shtëpi është një kaos i madh dhe se të dy prindërit nuk kanë asnjë kontroll ndaj fëmijëve. “Në mes të natës vrapojnë si të çmendur nëpër të gjithë vilën, i zgjojnë prindërit, iu futen në krevat”, ka thënë njëra prej tyre.
BRANGELINA/ Flasin dadot: Ja si jetojnë, fëmijët janë të tërbuar, mbajnë thika dhe s’mësojnë fare
