Përpara pak kohësh Kanye West festoi publikimin e albumit të tij të tetë muzikor, ‘YE’. Ndërsa mbrëmjen e djeshme në një bashkësi miqsh dhe të afërmish ai festoi 41-vjetorin e lindjes në shtëpinë në Los Angeles. Reperi ishte siguruar që festa të ishte shumë luksoze, e menduar deri në detajet më të vogla.
Kishte shumë biskota të dekoruara me fytyrën e tij, në një gotë me qumësht shkruhej emri i albumit të tij dhe gjëra nga më të ndryshmet. Të gjithë festën, bashkëshortja e tij, Kim Kardashian, e dokumentoi në rrjete sociale duke zbuluar dhe diçka shumë interesante.
Në fund të festës për reperin ishte përgatitur një tortë gjigande në formën e një vargu malor, si nderim për albumin dhe në të shkruhej: “Gëzuar ditëlindjen Kanye”. Pas fikjes së qirinjve, reperi nuk ngurroi t’i dhuronte një puthje pasionante gjysmës së tij më të mirë. /revistawho.com
