Që pasi rrëmbeu kurorën e ‘Miss Universe Albania 2019’, Cindy Marina është kthyer në një nga personazhet më të komentuar. Pavarësisht se jeton në Amerikë, Cindy mundohet të qëndrojë pranë publikut shqiptar nëpërmjet rrjeteve sociale dhe duket se edhe ato e mbështesin në maksimum nëpërmjet komenteve pozitive dhe komplimentave të shumta. Ditën e djeshme, modelja ka festuar ditëlindjen e saj të 21-të dhe urimet nga fansat apo miqtë e saj nuk kishin të mbaruar. Ajo kishte mbledhur familjarët dhe miqtë e saj më të ngushtë në një darkë, ku të gjithë sëbashku kishin festuar për 21-vjetorin e saj. Cindy kishte zgjedhur një ‘look’ të thjeshtë për këtë mbrëmje, me një grim minimalist, flokë të kapura bisht poshtë dhe një fustan të bardhë, të shkurtër që i tregonte më së miri format trupore. Ajo kishte publikuar një video në ‘Instastory’ të momentit kur frynte qirinjtë e tortës, teksa të gjithë këndonin këngën tradicionale të ditëlindjeve. Edhe pse jo një festë madhështore, Cindy së bashku me të ftuarit duket se e kanë shijuar mbrëmjen në maksimum./revistawho.com
https://youtu.be/9jhtoZSZKXk
