Një kitarë, verë, birrë dhe këngët më të bukura ndonjëherë. Kështu kaloi mbrëmë festa që mblodhi disa prej këngëtarëve tanë më të mirë dhe miqtë e tyre më të mirë po ashtu. Djemtë e grupit “Threedots” të Flori Mumajesit, Kledi Bahiti dhe Erik Lloshi kanë përvjetorin e lindjes në një ditë dhe festuan të gjithë bashkë. Ata duken të jenë në një ambient privat, me shumë gjasë studio e ndonjërit prej artistëve. Emra si Besa Kokëdhima, Valon Shehu, Samanta Karavella, Era Rusi, Fifi, Mateus Frroku, Bruno etj, u panë të festojnë krah Erikut dhe Kledit. Ajo që ra në sy ishte edhe prania e Jola Progrit, të dashurës së Erik Lloshit, me të cilën tashmë këngëtari ka një lidhje të konsoliduar. Nga videot e shumta publikuar në rrjetet sociale nga vetë të pranishmit, shihet Eriku duke kënduar baladat e tij më të mira, Samanta këngën “Loti i fundit” me të cilën fitoi “Top Fest” por edhe të tjerë duke kënduar nën tingujt e kitarës këngët e njëri-tjetrit. Vetëm një kamera që të xhironte gjithçka mungonte, por në pamundësi të saj mjaftohemi me këto foto. Edhe 100 artistëve!/ revistawho.com
