Në evente e festa të tilla si ajo e Top Awards, përveçse testojmë shijen e personazheve të famshëm sa i takon pamjes, kuptojmë edhe si si janë të ndarë ata. Kush shkon më mirë me kë, cilët njihen e përsëri mbajnë distancë, cilët janë të pandashëm etj. Edhe në këtë rast, pamë grupe të pandashme televizive që u argëtuan me njëri-tjetrin, e po ashtu shumë të tjerë që shkëmbenin veçse nga një përshendetje apo buzëqeshje, duke e ndarë festën vetëm me miqtë e ngushtë. Kjo reflektohet edhe në këto foto, të realizuara mbrëmë, brenda festës së çmendur të Top Channel. Pije, kërcim, puthje, përqafime e shumë ‘selfie’…
