Në datë 22 korrik Joe Jonas dhe Sophie Turner u bënë prindër për herë të parë me një vajzë, të cilën vendosën ta quajnë Willa.
Dyshja është rikthyer në shtëpinë e tyre tashme, ku duket se po i gëzohen çdo momenti me anëtaren më të re të familjes.
“Janë kthyer në shtëpi dhe po qetësohen. Joe është shumë i përfshirë dhe i përkushtuar. Ai dëshiron të bëjë ç’të mundet dhe i pëlqen të qëndojë me bebin dhe të ndihmojë Sophie-n”, kanë treguar burime pranë dyshes për ‘People’. Ata kanë shtuar se dyshja është shumë e “fiksuar” pas këtij momenti në jetën e tyre dhe janë duke u përkushtuar totalisht tek fëmija.
Kujtojmë se Joe dhe Sophie u përpoqën ta mbajnë larg vëmendjes së mediave këtë fazë në jetën e tyre, duke u treguar shumë të kujdesshëm edhe me privatësinë gjatë muajve të pritjes së ëmbël./revistawho.com
