Kylie Jenner ndan në ‘Instagram’ momente nga më të ndryshme të jetës, megjithatë të gjithë janë kuriozë të zbulojnë diçka edhe nga shtëpia e saj luksoze. Këtë gjë më në fund e ka bërë realitet revista ‘Architectural Digest’. Revista ka vendosur në një kopertinë më vete ambientet e shtëpisë së Kylie dhe në një tjetër të nënës së saj, Kris Jenner. Ajo që bie në sy është dhoma në të cilën Kylie grimohet, që ngjason shumë me një dhomë ‘Barbie’. E lyer e gjitha në ngjyrë rozë, me produkte kozmetike të firmës së saj ‘Kylie Cosmetics’ dhe paruke të shumëllojshme, cila vajzë nuk do e donte një dhomë të tillë?
Ndërsa në kopertinën e revistës shfaqet një pjesë nga salloni, i cili duket i dekoruar kryesisht në ngjyrë të bardhë dhe gri.
Në fakt më herët edhe vetë Kylie ka treguar copëza të ndryshme nga shtëpia e saj, prandaj të gjithë ishin shumë kuriozë të zbulonin diçka më tepër rreth saj. /revistawho.com
