Britanikët i kthehen kundër Victoria Beckham, stilistja e njohur punëson vetëm europianë në stafin e saj

Victoria Beckham zë një pjesë tepër të rëndësishme në industrinë e modës në Britani dhe në mbarë botën. Megjithatë duket se kohët e fundit stilistes së famshme nuk po i ecin punët siç duhet, pasi një pjesë e stafit që ajo ka punësuar në kompaninë e saj janë të zemëruar. Pothuajse punonjësit më të shumtë të Victorias janë nga Europa dhe kjo gjë nuk ju pëlqen aspak britanikëve. Pozicionet më të rëndësishme në kompaninë e saj i kanë zënë francezët dhe italianët dhe kjo ka shtuar zemëratën në radhët e stafit me origjinë nga Britania. “Victoria krenohet që është një biznesmene britanike dhe përkrah vendin e saj, prandaj pse nuk ofron ajo më shumë vende pune për ata që e kanë mbështetur që nga fillimi?”, ka thënë një person brenda kompanisë së saj për “The Sun”. Stilistja ka punësuar të paktën 4 persona nga Europa në 6 muajt e fundit dhe prandaj stafi i saj nuk është i kënaqur. Madje së fundmi ajo zbuloi se linja e re e produkteve të saj kozmetike do të vinte në bashkëpunim me një drejtor arti francez të quajtur Ezra Petronio. Victoria ka 17 vite që është pjesë e industrisë së modës dhe kjo është ndër herët e para që stafi i saj i del kundër kaq hapur. /revistawho.com