Britney Spears do të hapë gjyq ndaj ish-bashkëshortit, këngëtarja kërkon kujdestarinë e fëmijëve

Britney Spears po planifikon të nisë një gjyq vitin e ardhshëm për të luftuar sërish për marrëveshjen e kujdestarisë së djemve të saj me ish-bashkëshortin, Kevin Federline. Këngëtarja shpreson që të kalojë më shumë kohë të barabartë me fëmijët e saj, Preston 14 vjeç dhe Jayden 13 vjeç. “Qëllimi i Britney për vitin e ardhshëm është që të shkojë në një gjyq familjar për të rritur kohën e kujdestarisë me djemtë e saj. Ajo do të kalojë kohën me fëmijët për mbrëmjen e Krishtlindjes dhe ata do të shkojnë te babai i tyre në ditën e Krishtlindjes”, ka thënë një burim për “Us Weekly”. Në shtator një gjyqtar vendosi që ajo të kalonte 30% të kohës me djemtë, ndërsa më parë e kishte të ndarë 50 me 50 me ish-bashkëshortin kur u divorcuan në 2007. Më herët një burim për ‘Us Weekly’ ka treguar se këngëtarja nuk ka marrëdhënie të mirë me Kevin Federline dhe se ata nuk funksionojnë si familje. /revistawho.com