Një betejë e gjatë, së cilës Britney Spears duket se ka nisur t’ia shijojë që tani rezultatet, pasi më në fund gjykata vendosi shkëputjen e saj nga kujdestaria totale e të atit.
Megjithatë, 13 vite nuk kanë kaluar pa lënë gjurmë e pasoja, ndaj vetë këngëtarja e njohur, dikur cilësuar si ylli i ri i pop-it, ka pohuar se do i duhet kohë të shërohet.
Duke ndarë imazhin e nje peme në Instagram, Britney shkroi: “Edhe pse ka ndryshime dhe gjëra për të festuar në jetën time, ka akoma gjëra nga të cilat duhet të shërohem. Fatmirësisht kam një sistem të mirë mbështetës dhe po marrë kohë për të kuptuar se është mirë të ngadalësosh dhe të marrësh frymë. Vetëm përmes dashurisë për vetën mund të lutem, të dua dhe t’u akthejë të tjerëve me të njëjtën monedhë”.
Pas publikimit të një sërë faktesh skandaloze e abuzive, gjykata vendosi që i ati i Spears të pezullohet menjëherë nga kujdestaria ndaj së bijës, ndërsa seanca e radhës do të mbahet më 12 nëntor./revistawho.com
