Pas intervistës së princ Harry-t dhe Meghan Markle, Oprah Winfrey po bëhet gati të presë një tjetër të ftuar të rëndësishme, që do të shpërthejë “ bombën”. Bëhet fjalë për Britney Spears, që sipas medieve botërore do të nxjerrë në pah të gjithë të vërtetën për kujdestarinë dhe qëndrimin e familjes së saj.
Një burim pranë Britney-t ka thënë për “OK!” se ajo është e tërbuar me prindërit e sidomos me të atin dhe atë që ai përfaqëson. Ajo kërkon t’i japë përgjigje edhe ish-bashkëshortit dhe babait të fëmijëve të saj, Kevin Federline, i cili nuk e ka mbështetur fare gjatë gjithë këtyre viteve, përkundrazi e ka sulmuar sidomos kohët e fundit.
“Ajo është shumë e zemëruar dhe e gatshme për t’iu kundërpërgjigjur Kevin-it. Kohët e fundit kanë ndodhur shumë gjëra që kanë shkaktuar këtë reagim,” ka thënë i i njëjti burim. Artistja ka zgjedhur Oprah sepse i ka pëlqyer intervista e princit dhe Meghan-it.
