Që pasi doli nga qëndra e rehabilitimit, Britney Spears po mundohet të fokusohet plotësisht dhe të kthehet si më parë. Fillimisht ushtrimet fizike, më pas ndryshimet në pamje, ndërsa tani pushimet verore. Britney së bashku me mamanë e saj ndodhen në ishullin ‘Turks and Caicos’ dhe kanë ndarë me ndjekësit disa nga momentet më të bukura që po kalojnë së bashku. “Arrita në parajsë”, ka shkruar Britney në një nga postimet në ‘Instagram’, ndërsa një burim për ‘E!News’ ka thënë: “Britney është shumë e emocionuar që është atje dhe është mahnitur kur ka parë se sa i bukur është hoteli, pishina dhe plazhi. Ajo nuk mund t’i besonte syve dhe tha se ishte në parajsë. Nuk donte të largohej asnjëherë”. Britney dukej shumë e lumtur dhe gjatë gjithë kohës qëndronte me mamanë se saj në bregdet, duke biseduar. Ajo gjithashtu është parë duke kërcyer, duke bërë yoga dhe duke kënduar. Kujtojmë se para se të shkonte me pushime me mamanë e saj, Britney ka pushuar me partnerin e saj, Sam Asghari./revistawho.com
https://www.instagram.com/p/By_jr3gg_su/?igshid=1sb7lfz1hrsjp
https://www.instagram.com/p/BzBlFmZAtMd/?igshid=1fa5ufo0r9kc0
https://www.instagram.com/p/BzCI2KOgzpO/?igshid=14fl7o7e343hl
https://www.instagram.com/p/By-_fHqg7sb/?igshid=120ne5atjazop
