Të gjithë e mbajmë mend periudhën e errët të Britney Speras. Shfaqja në publik me kokë të rruar, sulmi me çadër që i bëri fotografit, veprime këto që sollën edhe humbjen e kujdestarisë së dy fëmijëve të saj. E cilësuar me problem psikike ikona e muzikës pop njëkohësisht edhe nënë e dy fëmijëve i duhet të paraqitet sërish në gjykatë. Pas nëntë vitesh Britney Speras i duhet të rikthejë në vemendje periudhën e errët të saj. Në Gjykatën e Kalifornisë, avokatët e 34 vjeçarës po luftojnë padinë e ish menaxherit të saj, Sam Lutfi. Ky i fundit i siguronte divës së pop-it drogën që ajo konsumonte gjatë periudhës kur Spears kishte probleme dhe trazira në jetën e saj.
Britney Spears ka deklaruar në Gjykatë se Sam, dikur menaxheri i saj ka qënë një ndër personat me të cilin ndante çdo vendimarrja si në karrierë ashtu edhe në jetën private. Në atë periudhë Spears shkëputi marrëdhëniet me familjarët dhe bashkëpuntorët, u divorcua dhë më pas humbi edhe kujdestarinë e fëmijëve. Të afërm deklaruan se diva ishte duke luftuar me abuzimin e drogërave, por ka qënë pikërisht ish menaxheri i saj i cili i siguronte drogë sipas kërkesave të Spears. Sam ka ngritur një padi ku pretendon se Britney ka prishur kontratën me të në kushte të pacaktuara. Për këtë Sam kërkon një dëmshpërblim nga ana e këngëtares.
