Britney Spears ka reaguar përmes një postimi në Instagram për ndarjen nga bashkëshorti Sam Asghari. Ylli i muzikës pop tha se është e tronditur, por po përpiqet të jetë e fortë. Ajo falenderoi të gjithë për mesazhet.
“Siç e dinë të gjithë, unë dhe Sam nuk jemi më bashkë. Gjashtë vjet, është një kohë e gjatë për të qenë me dikë, kështu që jam pak e tronditur. Nuk jam këtu për të shpjeguar pse, sepse sinqerisht nuk është punë e askujt! Por, sinqerisht nuk e durova dot më dhimbjen. Në një farë mënyre telepatike kam marrë kaq shumë mesazhe që më ngrohin zemrën nga miqtë dhe ju falënderoj! Unë e kam mbajtur fort veten për një kohë të gjatë dhe Instagrami im mund të duket i përsosur, por është larg realitetit dhe mendoj se të gjithë e dimë këtë! Do të doja të tregoja emocionet dhe lotët e mi se si ndihem vërtet, por disa arsye më është dashur gjithmonë të fsheh dobësitë e mia! Nëse nuk do të isha luftëtarja e fortë e babait tim, do të më dërgonin në vende për t’u ‘rregulluar’ nga mjekët! Por kjo ishte kur kisha më shumë nevojë për familjen! Ju supozohet të dashuroheni pa kushte… jo me kushte! Kështu që unë do të jem aq e fortë sa mundem dhe do të bëj më të mirën! Dhe në të vërtetë po veproj shumë mirë! Gjithsesi kalofshi një ditë të mbarë dhe mos harroni të buzëqeshni”, shkruan Britney.
