Ikona e popit, Britney Spears, habiti fansat duke shpallur në Instagram se ishte “martuar” me veten. Një vit pas divorcit nga Sam Asghari, 42-vjeçarja postoi një video ku shihet me fustan të bardhë nusërie dhe me vellon e saj, pa asnjë dhëndër.
Në përshkrimin e videos, Spears shkroi: “Dita kur u martova me veten… Mund të duket sikur është e turpshme ose budallallëk, por mendoj se është gjëja më e zgjuar që kam bërë ndonjëherë!!!” Në video, këngëtarja shihet duke rregulluar vellon ndërsa pozon për kamerën.
Spears më vonë postoi një video në pishinë me bikini të verdha dhe ndau planet për muaj mjalti vetëm në Turks dhe Caicos.
Gjatë muajve të fundit, Britney Spears ka habitur ndjekësit e saj me një sërë postimesh të çuditshme në rrjetet sociale. Ajo shpesh publikon video ku shfaqet duke kërcyer ose duke pozuar me veshje të pazakonta, të cilat kanë ngjallur shqetësime te fansat e saj. Sjellja e saj e pazakontë ka bërë që shumë të spekulojnë për gjendjen e saj pas përfundimit të kujdestarisë dhe divorcit nga Asghari.
